A Deputación da Coruña ilumínase de azul e amarelo

A sede provincial da Deputación da Coruña iluminouse coas cores da bandeira da República Popular de Ucraína, azul e amarelo, “en sinal de apoio ao pobo ucraíno e condena da agresión rusa”.

O ente provincial aprobou no pleno do pasado venres unha declaración institucional co seu rexeitamento á agresión de Rusia a Ucraína e solicitando o inmediato alto ao fogo e a retirada das tropas rusas do seu territorio. No texto tamén se demandou o respecto ao dereito internacional, aos dereitos humanos e aos Acordos de Minsk.

O presidente provincial, Valentín González Formoso, sinalou a “condena unánime da corporación provincial ao ataque por parte de Rusia a Ucraína”, que supón “unha clara violación do dereito internacional” e “un ataque frontal aos principios e valores democráticos europeos”.