Un home resultou ferido esta tarde ao ser atropelado pola súa propia furgoneta no lugar da Ribeiriña, na Pobra do Caramiñal.
Segundo a información facilitada ao 112 Galicia pola Agrupación de Voluntarios de Protección Civil da localidade, o vehículo esmagou ao home contra unha parede e feriuno nun brazo. As causas do atropelo apuntan a un fallo no freo de man do vehículo.
O accidente ocorreu uns minutos antes das cinco. Foi, a esa hora, cando o 112 Galicia recibiu a alerta dos feitos a través de Urxencias Sanitarias de Galicia-061.
Decontado, desde o CIAE 112 Galicia requiriuse a intervención dos membros da Agrupación de Voluntarios de Protección Civil da Pobra do Caramiñal e dos axentes da Garda Civil de Tráfico.
