Os concellos terán que “aplicar restricións” se segue a seca segundo adianta a Xunta de Galicia

A seca pode converterse nun problema esta primavera. Anunciouno esta xornada a conselleira de Infraestruturas e Mobilidad, Ethel Vázquez, quen advertiu de que se a situación de escasas precipitacións continúa, para as próximas semanas, deberanse “aplicar restricións” en servizos municipais como a rega e o baldeado de rúas.

Nunha entrevista na Radio Galega, Vázquez reclamou á Confederación Hidrográfica Miño-Sil, dependente do Ministerio para a Transición Ecolóxica, que active xa o seu plan de seca e que faga un “seguimento exhaustivo” aos caudais dos ríos da conca e aos seus encoros.

A conselleira mostrou a súa preocupación porque esta demarcación hidrográfica atópase nunha situación “similar” á de Galicia Costa, sobre a que ten competencias a Xunta e na que o pasado luns Augas de Galicia activou a prealerta por seca. As tensións entre a Xunta e a Confederación non son novas e, de feito, empeoraron tras os episodios de secados de encoros de Iberdrola e Naturgy producidos este verán.

Foto Xunta