Desde a medianoite deste sábado os establecementos poderán abrir ata a hora que marque a súa licenza
A Xunta mantén a recomendación do uso de máscara nos patios dos colexios
A partir do sábado poderán abrir segundo as limitacións que teñan na licenza, así o decidiu o comité clínico na súa última reunión. A Xunta solicitou ao TSXG que se renove a vixencia do certificado covid.
a partir desta fin de semana deixará de haber restricións horarias na hostalería en Galicia, que poderá funcionar segundo as limitacións da súa licenza. É dicir, os horarios volven ao estado prepandemia.
Así o anunciou o presidente da Xunta, Alberto Núñez Feijoo, na rolda de prensa posterior ao Consello da Xunta. Con todo, si que seguirá en vigor o uso do certificado covid. A Xunta enviou ao TSXG a solicitude para ampliar outras dúas semanas a vixencia do documento nos ámbitos nos que actualmente está implantado, incluído o sector da hostalería, onde é obrigatorio para acceder ao interior de bares, restaurantes e lecer nocturno.
