Este 4 de febreiro con motivo do Día Mundial contra o Cancro, á campaña organizada pola AECC de Ribeira, sumáronse agrupacións da comarca.
Integrantes da asociación de Ribeira colocáronse na rúa Rosalía de Castro durante a mañá para recoller donativos e para facilitar información, tanto sobre a actividade do colectivo en xeral como sobre esta campaña en particular, que ten como obxectivo demandar unha mellora dos servizos que favorezan a igualdade antes, durante e despois do diagnóstico. Nesa falta de equidade é onde puxo o foco este ano a AECC.
