A Cámara de Santiago achega un obradoiro de Shopify impartido por Javier Rocamora

A Cámara de Comercio de Santiago organiza os días vindeiros un novo obradoiro para fortalecer a actividade das organizacións a través das posibilidades que ofrece o comercio electrónico. O Taller creación de tenda online con Shopify para entidades de economía social celébrase entre os días 14 e 18 de febreiro en horario de 10.00 a 13.00 horas. Será impartido por Javier Rocamora García, un dos grandes expertos estatais en mercadotecnia online e comercio electrónico, achegando ás persoas participantes as claves do servizo Shopify como plataforma de comercio electrónico na nube. Será unha actividade en liña e de balde.

O taller enmárcase no programa de actuación 2021 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta co financiamento do Ministerio de Trabajo y Economía Social.

Contidos

• Coñecer Shopify como plataforma de comercio electrónico na nube.

• Axudar a elixir un plan de prezos e servizos segundo as necesidades do asistente.

• Aprender os pasos básicos para a creación dunha tenda online sinxela con Shopify.

• Coñecer as posibilidades de integrar servizos externos en Shopify (TPV, compartir catálogo, etc).