A primeira hora da tarde deste domingo tiña lugar un accidente de tráfico no lugar pobrense de O Campiño, no cruzamento da AC305 coa DP6706, onde dous turismos chocaban frontolateralmente. Ata o lugar do suceso desprazouse unha patrulla da Policía Local da Pobra.
Cando chegaron os axentes, que se encargaron de regular o tráfico ata a retirada dos coches, unha persoa xa fora evacuada ao hospital comarcal por unha ambulancia do 061. Outras dúas foron atendidas no lugar por feridas de carácter leve. Na zona compareceron tamén axentes da Garda Civil de Tráfico, encargada das dilixencias.
