Rematou na Costa da Morte, finalmente, a rodaxe do filme da produtora galega Miramemira que se estivo rodando os días pasados en Corrubedo, tirando proveito dos impoñentes escenarios naturais que ofrece a vila ribeirense, xunto coa súa arquitectura. Estamos a longametraxe de ficción Sica, dirixida por Carla Subirana e co-producida por Alba Sotorra.
O Cemiterio dos Ingleses, no concello de Camariñas, foi este mércores o escenario dunha das últimas sesións de rodaxe do filme Sica, que se desenvolve desde primeiros de decembro en diferentes localizacións da Costa da Morte, e tamén na nosa comarca.
O equipo da película recibiu no dito camposanto a visita do director da Axencia Galega das Industrias Culturais (AGADIC), Jacobo Sutil, quen coñeceu de primeira man o proceso de filmación desta coprodución galego-catalá, para a que a compañía Miramemira conta cunha axuda da Xunta de máis de 250.000 euros.
O filme ponnos na pel dunha moza, Sica (Thais García), que agarda que o mar lle devolva o cadáver do seu pai mariñeiro. Faino na compaña do seu amigo Suso, cuxa única teima é a inminente chegada da galerna Ofelia. A longametraxe rodouse principalmente nos concellos da Costa da Morte (Malpica, Laxe, Ponteceso), onde Sica, coas súas pescudas, descubre un día que o seu tanto o seu pai, como a comunidade de veciños onde reside, non son como ela que pensaban que ela.
