Os servizos de emerxencia rescatan aos tripulantes dunha lancha á deriva en Vilanova de Arousa

Unha embarcación de Protección Civil rescatou esta tarde aos dous tripulantes dunha lancha que quedou á deriva nas proximidades Vilanova de Arousa.

Foi un dos membros da tripulación da lancha quen contactou co 112 Galicia para alertar da súa situación, cando faltaban poucos minutos para as 17:45 horas. Indicaba na súa chamada que quedaran sen motor. Engadía que ningunha das persoas que navegaban na lancha precisaba asistencia médica.

Axiña, con estes datos, o persoal do Centro Integrado de Atención ás Emerxencias 112 Galicia puxo os feitos en coñecemento de Salvamento Marítimo, que mobilizou, finalmente, unha embarcación de Protección Civil da localidade para o rescate.

Ademais dos voluntarios de Protección Civil, desde o CIAE 112 Galicia informouse ao Servizo de Gardacostas de Galicia e aos axentes da Policía Local.

Segundo a información recollida no 112 Galicia, Protección Civil rescatou, sans e salvos, aos tripulantes, cuxa lancha, que permanecía amarrada nunha batea, e os remolcou ata o porto de Vilanova.