O Concello de Outes compartiu a axenda dos Reis Magos no termo municipal, este 5 de xaneiro. A actividade das Súas Maxestades comeza ás 11.00 da mañá no Pavillón Deportivo da Serra, onde estarán até as 13.00 horas recibindo ás nenas e nenos do concello, achegándolles a maiores un pequeno agasallo. Haberá quenda de tarde, a partir das 15.00 e até as 18.00, respectando ao máximo as medidas sanitarias anti-COVID.
A partir das 18.00 horas comezará o desfile das Súas Maxestades, con saída do Pavillón da Serra e percorrendo as seguintes rutas: Paseo do Muelle, avenida do Rocío, Agro das Mozas, avenida de San Campio, rúa da Vila, rúa da Cruz, avenida de Fisterra, avenida de Compostela e rúa Braña.
O Concello fai saber que non haberá encontros da rapazada cos Reis Magos despois do dito itinerario. Ademais, recomenda encarecidamente á cidadanía que evite as aglomeracións e respecte as medidas para evitar a propagación da COVID.
