A portavoz da Sociedade Española de Enfermidades Infecciosas e Microbiología Clínica ( SEIMC), María del Mar Tomás, microbióloga do Hospital Universitario da Coruña dixo que os primeiros casos de coinfección por SARS- CoV-2 e o virus da gripe influenza ( flurona) rexistráronse en 2021 en Galicia en dúas persoas que tiñan as dúas infeccións ao mesmo tempo.
A experta explicou, ademais, que esta coinfección “parece non ter maiores complicacións” polo momento, e que os casos rexistrados non son “graves” tras detectarse este luns infeccións en Cataluña. Tomás reafirmou que non se trata dunha nova variante do SARS- CoV-2 e tampouco dun virus novo.
A sintomatoloxía é similar á variante ómicron pero recalcou que non se trata dunha nova variante “nin nada similar” e subliñou que, de todos os casos reportados desta coinfección (os primeiros producíronse en maio de 2020, segundo estudos publicados na revista médica ‘ The Lancet’) “non se viu un mal prognóstico”.
