O Concello de Outes volverá distribuír árbores autóctonas para mellorar o medio natural e a protección fronte aos lumes

O Concello de Outes presentou a nova edición do seu Plan de Recuperación de Árbores Autóctonas, dirixido, como se indica no seu nome, a activar medidas que contribúan á posta en valor e ao espallamento de especies propias da nosa terra, de especial valor ambiental e paisaxístico, ao que cómpre sumar un terceiro factor: son especialmente resistentes aos lumes forestais e actúan, polas súas características, a xeito de cortalumes.

Trátase da convocatoria 2022 do dito plan. A través dela, o Concello repartiría de balde plantas de castiñeiro entre as persoas propietarias que o soliciten (máxime 15 plantas por propietario). Terán prioridade as veciñas e veciños que non participaran na edición da iniciativa. As persoas interesadas poden realizar a súa solicitude ao Concello a través do departamento de urbanismo, entre o 17 e o 28 de xaneiro, ou chamando previamente ao teléfono 637 063 677.