A deputada do BNG no Parlamento, Rosana Pérez, vén de rexistrar novas preguntas ao goberno galego relativas a situación nas minas de San Finx.
A iniciativa dos nacionalistas incide nas contradicións do Partido Popular ao respecto, xa que mentres a súa posición no parlamento no mes de decembro foi a de votar en contra da proposta do BNG para esixir que se requira á empresa adxudicataria da mina a presentación de estudos de impacto ambiental, neste mes de xaneiro o vicepresidente recoñeceu a súa necesidade nunha reunión con diferentes alcaldes das comarcas de Muros e Noia.
Neste sentido, Pérez sinala que “nalgún dos dous momentos, ou no debate parlamentario ou na reunión cos Concellos do pasado día 12 de xaneiro, non se dixo a verdade por parte do vicepresidente segundo”. A representante nacionalista tamén cuestiona o feito de que se tiveran posto os proxectos de vertido e de adecuación do leito do río a exposición pública “cando non se teñen presentado os respectivos estudos de impacto ambiental que agora a Xunta recoñece necesarios”.
No respectivo ás preguntas, estas céntranse en varios aspectos. En primeiro lugar, os nacionalistas piden a valoración que fai o executivo do cambio de titularidade da mina. En canto aos estudos de impacto ambiental, pregúntase sobre os motivos que levaron ao cambio na posición do goberno, sobre as razóns polas que non admitiron dita necesidade o
pasado decembro no parlamento e sobre se a intención do executivo é requirir estes estudos para os proxectos que xa están en exposición pública.
A iniciativa do BNG tamén se refire á reunión mantida con diferentes municipios da zona afectada, e en relación a esta, se mostra interese por se as alcaldías foron advertidas dos diversos reparos do persoal técnico da administración con respecto á situación da mina de San Fins. Por último, tamén preguntan os nacionalistas se o goberno pensa establecer garantías legais e avais económicos suficientes para que a empresa faga fronte ás consecuencias de potenciais incumprimentos ambientais.
Lousame programa a comedia “Vacacións” de A Tequerreté Teatro para o domingo 28 de abril
O Concello de Lousame acollerá a posta en escena de Vacacións, unha premiada comedia da compañía teense A Tequerreté Teatro que poderá desfrutarse este domingo 28 de abril, ás 19:00 horas, no auditorio da Casa da Cultura lousamiá. A entrada é de balde, previa reserva...