Alerta laranxa este venres 7 por temporal costeiro en todo o litoral

Emerxencias Xunta activou este 7 de xaneiro unha alerta laranxa por temporal costeiro en todo o litoral galego. Segundo a Axencia Estatal de Meteoroloxía (AEMET), dará comezo nesta xornada un fenómeno meteorolóxico adverso de nivel laranxa en todo o litoral galego, con mar combinado de 5 a 7 metros do noroeste.

A Xunta lembra “a importancia de manternos afastados da liña de costa, isto é, diques, rompentes, paseos marítimos”. Tamén se recomenda que extremar as medidas de seguridade á hora de realizar calquera actividade no mar e que se revisen os cabos e amarres das embarcacións.

Ademais, aconséllase consultar a páxina web do CIAE 112 (www.112galicia.org), que conta con información meteorolóxica e con ligazóns de interese.