Valentín González e José Ramón Romero inauguran a cuberta do parque infantil da praza de Galicia, en Boiro

17 Decembro 2021

Valentín González Formoso, presidente da Deputación da Coruña, e José Ramón Romero, alcalde de Boiro, inauguraron este 16 de decembro a nova cuberta do parque infantil da céntrica praza de Galicia boirense, que conta cun sistema de iluminación solar fotovoltaica.

As obras supuxeron un investimento de 247.740 euros, financiados ao 100% polo Plan Único da Deputación e permitiron dotar á zona dunha gran cuberta tipo pérgola de 22×32 metros que servirá como abrigo tanto os pequenos que usan o parque infantil existente como da parada de transporte público contigua.

González Formoso, apuntou que “as obras responden á demanda da veciñanza de Boiro para que os cativos dispoñan dun lugar axeitado para xogar durante o inverno, así como para cubrir da choiva a parada do autobús e o acceso ao aparcamento público”, afirmou, engadindo que “esta obra é un bo exemplo de como o Plan Único é unha ferramenta útil para mellorar as infraestruturas e servizos municipais, deixando ademais que sexan os propios concellos os que decidan cales son as súas prioridades e necesidades”. De feito, explicou, “aínda que a a Deputación financia os traballos, foi o Concello de Boiro o que decidiu facer esta obra, que mellora a vida dos veciños e que aposta pola eficiencia enerxética polo que é unha idea da que de seguro tomarán nota noutros municipios”.

Pola súa banda o alcalde de Boiro, José Ramón Romero, agradeceu o apoio da Deputación “que está sempre aí cando chamamos á súa porta, neste caso a través do Plan Único que tanto axuda aos concellos” e expresou a súa satisfacción porque os nenos e nenas de Boiro xa poderán “desfrutar deste espazo no Nadal”.

A nova estrutura está formada por pórticos de madeira laminada e conta cun peche a base de láminas de policabornato celular de 16 mm e conta con protección fronte aos raios UV para garantir o control da calor e da radiación solar emitida no interior do espazo cuberto. O espazo dispón dunha iluminación mediante tiras LED integradas nun perfil de aluminio e con cargadores USB de intemperie con resistencia ao po e a humidade. Este sistema de alumeado e cargadores USB está alimentado polo sistema de paneis solares fotovoltaico instalado na parte superior da cuberta.

Desde a súa creación en 2017, o Plan Único da Deputación da Coruña financiou 2.727 obras nos 93 concellos da provincia, das que 72 foron de creación e mellora de parques públicos e infantís, nas que se investiron 7.256.444 euros.

Outros artigos

“Non todo vale”. Antón Luaces

Unha cousa é o que dí o Tribunal Supremo en relación coa eólica mariña, e outra moi distinta a realidade que viven aqueles que, como os traballadores do sector pesqueiro, dependen tan diretamente da posibilidade de pescar alí onde asenta a eólica desas...

+

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

+

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...