A área sanitaria de Santiago-Barbanza súmase á iniciativa posta en marcha polo Servizo Galego de Saúde (SERGAS) noutras áreas de Galicia e habilita, desde este martes, 21 de decembro, dous puntos onde se realizarán probas PCR para detectar coronavirus de forma gratuíta e sen necesidade de solicitar cita previa para aquelas persoas que non presentes síntomas. Xa que, nese caso, deberán poñelo en coñecemento do seu médico de familia.
Ambos os puntos estarán nos dous hospitais públicos de referencia da área, tanto no Clínico Universitario de Santiago como no Comarcal do Barbanza, situado en Ribeira. No caso do CHUS, a sala de extraccións situarase no terceiro piso do edificio de hospitalización e terá acceso directo desde o aparcamento da área de laboratorio. Pola súa banda, o o hospital barbancés o punto de toma de mostras estará situado na Sala 10 do piso 0.
E, en ambos os casos, o horario no que funcionarán é vespertino, abrindo desde as 15.30 horas da tarde ata as 21.00 horas, salvo o día de Noiteboa, o 24 de decembro, que adiantarán o peche ás 19 horas.
Tanto os días de Nadal, 25 de xaneiro, como en de o Aninovo, o 1 de xaneiro, ambos os puntos de recollida de mostras para realizar PCR gratuítos e sen cita estarán pechados.
TAXA DE POSITIVIDADE DISPARADA Ao 22 %
Con esta decisión, o SERGAS reforza o traballo de detección de coronavirus na área sanitaria de Santiago-Barbanza onde se rexistra desde fai un par de semanas un incremento notable dos contagios e, polo tanto, dos casos activos que este luns sitúanse por encima dos 1.600 e unha taxa de positividade que, segundo os datos publicados na web coronavirus. sergas. gal, disparouse ao 22 %.
