Galicia camiña cara o colapso da atención primaria ante casi 5.600 novos casos da Covid

Os 5.662 novos positivos por PCR comunicados hoxe en Galicia supoñen o terceiro máximo diario consecutivo e o sétimo no últimos nove días. O aumento de casos activos, case 5.000 máis nun só día, tamén é o récord absoluto e confirman que Galicia perdeu calquera indicio de control sobre a transmisión da sétima onda da pandemia.

Nos hospitais a situación empeora, aínda quede xeito máis amodo. A enorme cantidade de novos casos simultáneos xa colapsou moitos centros de saúde e puiden acabar colapsando os hospitais en xaneiro, aínda que a taxa de hospitalización segue baixando grazas ás vacinas e a menor severidade de Ómicron.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 36.909 deles 6.638 son da área da Coruña, 3.149 da de Lugo, 3.905 da de Ourense, 4.993 da de Pontevedra, 9.345 da área de Vigo, 6.738 da de Santiago e 2.141 da de Ferrol. Do total de pacientes positivos, 50 están en UCI, 271 en unidades de hospitalización e 36.588 no domicilio. Polo de agora, en Galicia hai un total de 199.549 persoas curadas, rexistrándose 2.760 falecementos.    

O número de PCR realizadas é de 3.293.449.

O número de doses de vacina contra a covid-19 administradas é de 5.821.160.

A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente.

 Uso do 061 para casos graves e emerxencias e o 881 54 00 45 para dúbidas e síntomas leves