Ademais, ao fío das 23:15 horas deste domingo, o 112 Galicia tivo constancia doutro accidente entre dous vehículos, tamén no Barbanza, e no que cinco persoas tiveron que ser trasladadas polos servizos sanitarios ao resultar feridas despois de envorcar o vehículo no que viaxaban, cando circulaban pola AC-550, punto quilométrico 103, concretamente, na curva da Chabola, en Oleiros.
Neste caso, foi a Policía Local quen deu aviso ao 112 Galicia. No transcurso da chamada, tamén un particular contactaba cos xestores de emerxencias para informar dun accidente entre dos coches, un deles envorcado.
Ata o lugar, desprazáronse nada máis ser alertados polo 112 Galicia, o persoal do Servizo de Urxencias Sanitarias de Galicia-061, que confirmaron que os cinco ocupantes estaban todos fóra do vehículo envorcado, precisaban asistencia sanitaria pero non parecían revestir gravidade.
Ao igual que o persoal sanitario e a Policía Local, ata o lugar tamén se desprazaron os Bombeiros de Ribeira e os axentes de Tráfico.
