O Ministerio de Transportes, Movilidad y Agenda Urbana anunciou este xoves a medida, que entrará en vigor a partir do sábado.
Aínda que todas as autoestradas dependentes do estado soben case un 2%, a AP-9 encarece o seu prezo moito máis
As peaxes da AP-9 subirán a partir do 1 de xaneiro de 2022 un 3 por cento, segundo anunciou este xoves o Ministerio de Transportes, Movilidad e Axenda Urbana.
Nun comunicado, o Goberno explica que con carácter xeral increméntanse un 1,97% as tarifas das autoestradas dependentes do Estado para partir do 1 de xaneiro de 2022 para axustalas ao Índice de Prezos ao Consumo (IPC).
No caso da AP-9 decrétase unha subida adicional para, segundo apunta Transportes, cubrir os custos por excesos de valoración de expropiacións ou pola execución de obras nas que incorreron as respectivas sociedades concesionarias, para financiar bonificacións de peaxe e para compensar a non aplicación de incrementos de tarifas inicialmente previstas por razóns de interese público.
A subida das peaxes na AP-9 prodúcese sen prexuízo das bonificacións parciais ou totais que se aplican en tramos gratuítos como O Morrazo-Vigo e A Coruña-Barcala, así como das bonificacións aprobado por real decreto o pasado mes de xullo.
Mentras a Xunta fai redución da suba das peaxes das autoestradas autonómicas en 2022 tal como recollemos en obarbanza.gal.
O Consello da Xunta autorizou o pasado xoves, 23 de decembro, a modificación do convenio coa concesionaria Autoestradas de Galicia co obxectivo de limitar a suba das tarifas das autoestradas autonómicas a menos da metade do que lle correspondería polo incremento do IPC, segundo o estipulado no contrato.
