Este venres 3 de decembro, Día das Persoas con Diversidade Funcional, a Asociación Ambar das persoas con diversidade funcional estará impartindo unha clase maxistral de Ioga Flow para principiantes no Complexo Deportivo Municipal a Fieiteira.
Unha vez rematada a xornada, Milagros Rey, presidenta da entidade, xunto con varias persoas usuarias de Ambar, leran un manifesto sobre a loita polos dereitos das persoas con diversidade funcional, facendo fincapé “na importancia da participación social na comunidade e da inclusión en todos os aspecto da vida para vivir de maneira autónoma e independente”.
A clase de ioga será impartida por Lidia Mariño, educadora social e profesora de ioga de Ambar. Á xornada asistiran as persoas usuarias e profesionais de Ambar, as persoas usuarias da Asociación A Creba, as persoas que asisten as clases de ioga da fieiteira, amais doutras persoas de maneira individual.
Esta é unha das accións que Ambar levará a cabo para conmemorar a Semana da Diversidade, que comeza este 3 de decembro, Día das Persoas con Diversidade Funcional; e remata o día 10 deste mesmo mes, Día dos Dereitos Humanos. Neste día de remate das actividades celebrarase unha Xornada Micolóxica con distintos centros educativos. E o venres 10 de decembro presentarase o Calendario Solidario 2022 baixo o lema 40 anos de cine, 40 anos de Ambar.
