39 contaxios da Covid en Santiago, tras unha cea de persoal de FINSA

Trinta e nove persoas que traballan na madereira Finsa, contaxiaronse da Covid por mor dunha cea de empresa. Todas presentan síntomas leves ou están asintomáticas. A maioría de quen deu positivo nas probas diagnósticas traballaban nos servizos centrais da sede compostelá da empresa e estaban en réxime de teletraballo o que evitou que resultasen máis compañeiros afectados da infección.

A cea celebrouse a semana pasada. Quen detectou os primeiros síntomas contactaron cos servizos médicos da empresa, e avisouse ao Sergas. Puxéronse en funcionamento os protocolos para establecer a dimensión do contaxio. Os últimos días fixéronse probas diagnósticas, que realizaron todas as persoas citadas.