Soben os hospitalizacións en Galicia pola COVID-19: hai 128 enfermos en planta


Os 499 novos positivos por PCR comunicados hoxe contribúen a un novo salto dos indicadores semanais e a 15 días. A pandemia segue crecendo rapidamente. O pasado martes os positivos comunicados foron 237.

O foco da crise empeza a desprazarse aos hospitais. Son xa 128 os enfermos en planta. O día que a Xunta decretou o fin da emerxencia sanitaria había 18 hospitalizados en planta. A pesar de que agora xa hai 110 máis, a Administración négase a restaurar a declración de emerxencia santiaria.
A incidencia acumulada semanal sobe de 112 a 120 positivos por cada 100.000 habitantes . De acordo ao novo semáforo covid aprobado polo Ministerio, este índice está en nivel de risco medio. Xa non falta moito para os 150, que supoñería a entrada deste indicador en nivel de risco alto.

De seguir nestes números Galicia entraría en risco alto esta mesma semana, no que a incidencia semanal refírese.