Do 5 de novembro ao 4 de decembro, pode visitarse na sala de exposicións do Auditorio de Rianxo a exposición Os Obxectivos de Desenvolvemento Sustentábel, un camiño para acabar coa pobreza e as desigualdade alá e acolá do Fondo Galego de Cooperación e Solidariedade.
A exposición reúne 17 viñetas, unha por cada ODS, de 15 debuxantes, tanto de Galicia coma de países africanos da Lusofonía como son Mozambique, Cabo Verde e Guinea-Bissau.
Segundo informa o Concello, a través da mostra preténdese fomentar a reflexión, a nivel local e global, sobre temas como a loita contra a fame, o acceso á saúde e á educación, a equidade de xénero ou a protección do planeta. Tamén se busca concienciar sobre as medidas que cadaquén pode tomar e/ou esixir ao respecto. Máis información no sitio web do Fondo Galego.
