Presentadas 29 obras ao cuarto Premio de Literatura Infantil Carlos Mosteiro

04 Novembro 2021

A cuarta edición do Premio de Literatura Infantil Carlos Mosteiro, co prazo de recepción de orixinais rematado este 30 de outubro, recibiu finalmente vinte e nove obras a concurso. O certame vén da man do Concello da Pobra do Caramiñal, a Editorial Galaxia e a Asociación Cultural Barbantia.

Presentación da nova convocatoria do certame, o pasado mes de setembro

A Concellaría da Cultura, da cal é titular a edil Patricia Lojo (PSdeG-PSOE), lembra que o certame supón unha dotación económica de 3.000 euros, a publicación da obra gañadora na colección Árbore da Editorial Galaxia e o repartimento de exemplares entre a rapazada da Pobra.

O xurado está composto por tres persoas de recoñecido prestixio na literatura infantil, unha delas da propia editorial: Francisco Castro, director xeral da Editorial Galaxia; Loretta Birott Bermejo, escritora; e Marta Neira Rodríguez, filóloga e ensaísta. O ditame darase a coñecer no 30 de novembro e a entrega do premio será no mes de decembro.

O dito certame é concibido como un medio para promove-los novos autores e autoras en lingua galega de literatura infantil, así como homenaxea-lo mencionado escritor.

Nas súas tres primeiras edicións, os galardóns recaeron en Patricia Mallo, con Os Fantom; Xosé Antonio Neira Cruz, con O enigma do baúl pechado; e a terceira convocatoria quedou sen adxudicar, por estimar o xurado que ningunha das obras presentadas acadaba a suficiente calidade literaria.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...