Os actos do 25-N proseguen este sábado en Rianxo

Este sábado 27, Rianxo segue a conmemorar o Día Internacional para a Eliminación da Violencia contra a Muller. Faino cunha manifestación cidadá na praza Castelao a partir das 12:30h. Participarán a poeta Elvira Ribeiro Tobío, achegando un recital de composicións contra a violencia, e a banda de música tribal composta por mulleres, Brassica Rapa. Os contidos do acto achegaranse tamén en lingua de signos.

A maiores, a entrada do Consistorio acolleu este xoves 25 unha concentración das traballadoras e traballadores do Concello de Rianxo para conmemorar a devandita data ao abeiro da campaña De fronte á violencia da xénero, da Deputación da Coruña. Leuse o manifesto e un poema de Lucía Aldao.