O Concello pobrense achegará case 80.000 euros a entidades deportivas e educativas

26 Novembro 2021

O Concello da Pobra do Caramiñal aboará axudas aos eidos educativos e deportivos do municipio por un importe total de 78.000 euros, segundo explicaron o alcalde, Xosé Lois Piñeiro (Nós Pobra), e a concelleira dos Deportes e da Educación, Genoveva Hermo (Nós Pobra). Unhas cuestións que foron aprobadas na sesión extraordinaria do Pleno da corporación do 10 de novembro. Do total, 24.000 euros proceden dos orzamentos actuais e 54.000 euros do
remanente de 2020.
Dunha banda, concédense 12.000 euros a entidades educativas e 60.000 ao ámbito deportivo a través de subvencións nominativas, para financialos gastos dos anos 2018, 2019 e 2020. Máis polo miúdo, os organismos educativos beneficiarios son APA Bandaseca, ANPA Cadreche, ANPA O Areal, EEI Fernández Varela, CEP Pilar Maestú Sierra e CEP Salustiano Rey Eiras. No que respecta ás sociedades deportivas, na listaxe atópanse Club Tenis Punta Salera, Puebla C.F., Club Deportivo Marquiño, Club Remo Puebla, Asambal, Crocha Balompé, Asociación de Atletismo e Deportes do
Barbanza, Club Patinaxe A Pobra, Adeco-Dea, Club Aeromodelismo Furacán, Motoclub Sin Frenos, Arqueiros do Barbanza e Kempo.
A maiores, outórgase unha subvención de 6.000 euros ao Club Remo Puebla para sufragar parte dos gastos que asumiu pola organización da I Bandeira Camiño do Barbanza A Orixe, dentro da Liga Galega de Traiñeiras (LGT), e que se disputou en agosto deste ano.
A Administración local xa enviou cartas a tódalas organizacións para que vaian presentando a documentación xustificativa para, unha transcorrido o período de exposición pública a inicios de decembro, comezar a realiza-
los pagos.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...