Na Pobra detidas dúas veciñas por vender estupefacientes e doses de cocaína e heroína

04 Novembro 2021


A Garda Civil do Posto de Boiro detivo a dúas veciñas da localidade coruñesa da Pobra do Caramiñal como presuntas autoras dun delito contra a saúde pública por tráfico de drogas e interveu doses de cocaína e heroína, entre outras substancias.

Segundo informou o Instituto Armado, no marco da ‘Operación Ricacodi’, que se iniciou o pasado mes de agosto, a Garda Civil constatou que estas dúas persoas relacionábanse a diario con toxicómanos, tanto na vía pública como no domicilio particular das agora detidas. As mesmas fontes indicaron que se incrementaba a presenza destas persoas en horario nocturno para non ser observadas polos veciños do lugar.

No transcurso da investigación os axentes implicados, constataron a forma de actuación das investigadas, que “fornecían pequenas doses de droga a consumidores habituais da comarca do Barbanza”, destaca a Benemérita. Nun primeiro momento foi detida unha das investigadas, á que lle interviñeron 14 dose preparada para a súa venda e máis de 500 euros en efectivo. A Garda Civil procedeu ao rexistro domiciliario das investigadas na Pobra do Caramiñal, onde foi achada a maioría da droga intervida e outras “evidencias de interese para a investigación”, aseguran as mesmas fontes.

O total das substancias intervidas na ‘Operación Ricacodi’ foron de 43 dose de cocaína, seis dose de heroína, 18 pastillas de metadona, 764,5 euros en billetes e moedas, un vehículo e diversos útiles para a manipulación e preparación das doses.

Procedeuse tamén á detención da outra persoa investigada como presuntas autora dun delito contra a saúde pública e á incautación das substancias atopadas. As detidas foron postas ao dispor do Xulgado de Primeira Instancia e Instrución número 2 de Ribeira.

Garda Civil

Outros artigos

Ribeira celebra o San Cristovo este domingo

Dous periodos de festas habia en Ribeira. As tradicionais do verán en agosto, que co paso do tempo foron tomando mais pulo ata converterse nas principais, e as dá Patroa, en setembro. Por certo estas últimas chegaban a xuntar as celebracións de varias festas locais e...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...