O Concello de Outes vén de comunicar o remate dos traballos dirixidos a mellorar os accesos ao lugar da Carballa. A posta a punto da vía materializouse co asfaltado do camiño que une o dito lugar con Carleo e Moledo, o que permitirá aforrar preto de 3 quilómetros para chegar a parte sur do concello.
A maiores das devanditas actuacións nos accesos á Carballa, o Concello tamén levou a cabo diversos arranxos nos camiños de uso agrario en Entíns e en San Ourente, financiados co programa AGADER 2021-2022.
