A Policía Local de Ribeira recibiu na noite de onte (20.30 hora) unha chamada da Garda Civil de Tráfico da Coruña comunicando que un vehículo BMW modelo 118D con determinado número de matrícula se dou á fuga tras colisionar con dous turismos estacionados na localidade veciña da Pobra, informando ademais que había un cidadán que sendo testemuña dos feitos estaba seguindo ao condutor do citado vehículo.
Dende xefatura se puxeron en contacto coa testemuña en cuestión por vía telefónica, quen indicou a ubicación do presunto autor ata ser interceptado no lugar de Martín, onde lle deron o alto. Os axentes observaron que o condutor ía manobrando de xeito errático (incluso fixo o amago de darse a fuga) e observaron que o eixo dianteiro dereito do vehículo estaba partido.
Unha vez entrevistado o condutor, apreciaron que estaba influenciado polo consumo dalgunha substancia estupefaciente. O home foi trasladado ás dependencias xudiciais para realizar as dilixencias pertinentes por un presunto delito contra a seguridade viaria.
