Os últimos datos do SERGAS relativos á situación da pandemia nos centros escolares galegos confirma un gromo nunha escola de Noia, localidade que se atopa no nivel de risco extremo, cunha incidencia de entre 125 e 250 casos por cada 100.000 habitantes nos rexistros a sete días.
A confirmación do brote no CEIP Plurilingüe Alexandre Rodríguez Cadarso chega cinco días despois de que Noia superase a decena de casos no rexistro da incidencia a sete días.
O 27 de outubro, os datos en Noia reflectían que a pandemia desaparecera “” do municipio. Por entón, a Xunta reportaba cero casos activos na localidade noiesa. Desde entón, o municipio mantívose con “entre 1 e 9 casos” ata o pasado 20 de novembro, cando rompeu o limiar dos dez casos activos a sete días, ata alcanzar os trece.
Só catro días despois o panorama cambiou diametralmente: Noia é unha das localidades con peores rexistros na área sanitaria de Santiago – O Barbanza, cunha incidencia de entre 125 e 250 casos por 100.000 habitantes -só Mazaricos atópase na súa situación peor, no nivel de risco máximo, pero con moitos menos casos activos-, con 34 positivos no últimos sete días e con 36nos últimos 14 días.
Só en 24 horas a variación de casos é de cinco positivos máis. Isto parece provocado en moi boa medida polo brote do CEIP Plurilingüe Alexandre Rodríguez Cadarso, que ten 17 casos activos pero todas as súas aulas funcionando. Con 17 positivos, o centro de Noia é o sexto máis afectado da comunidade nestes momentos
