As gañadoras do concurso Galeguizando TikTok reciben na Pobra os seus agasallos

03 Novembro 2021

Na última fin de semana de outubro efectuouse no Consistorio da Pobra do Caramiñal a entrega dos premios ás gañadoras do concurso Galeguizando TikTok, destinado, como indica o nome do certame, a reivindicar a nosa lingua na popular rede social e poñendo o foco na mocidade. Os obsequios consisten en cadanseu lote de produtos culturais galegos por valor de 100 euros.

O xurado ditaminara que a distinción “ao máis divertido” recaese en Iria Portas Rodríguez; “ao vídeo máis creativo” en Alicia Miguéns Vila; e “ao máis orixinal” quedase sen adxudicar. As pezas audiovisuais presentadas debían estar en galego, ter como temática o Día da Patria Galega e seguir o formato da aplicación TikTok.

O dito concurso foi unha iniciativa enmarcada na programación impulsada para conmemorar o Día da Patria Galega, no 25 de xullo, dende a Concellaría da Normalización Lingüística da Pobra do Caramiñal, da cal é titular o edil Xabier Santos (BNG).

Outros artigos

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...