A Pobra volve apostar polo concurso de embelecemento de balcóns e fachadas para o Nadal

18 Novembro 2021

A Pobra do Caramiñal comeza a quecer motores cara á época do Nadal coa segunda edición do Concurso de Embelecemento de Balcóns e Fachadas que convoca a Concellaría da Promoción Económica. Trátase dunha proposta extensiva a todo o municipio -Santa María a Antiga do Caramiñal, Santiago do Deán, Santo Isidro de Posmarcos, Santa Cruz de Lesón e Santa María do Xobre- coa cal se pretende incentiva-la participación da veciñanza na ornamentación dos seus balcóns e fachadas, contribuíndo a incrementa- lo carácter vistoso das rúas nunhas datas tan sinaladas.
Segundo manifestou a concelleira da Promoción Económica, Charo Varela (Nós Pobra), trátase “de participar para facer este Nadal máis máxico.”

Neste senso, a técnica municipal, Sara Sánchez, indicou que se quere así “achega-lo Nadal a todo o concello.”
Agárdase supera-las 35 inscricións acadadas na pasada convocatoria.
Establécese un premio por cada parroquia, consistente nunha cesta do Nadal valorada en 300 euros e composta de produto local, contribuíndo así á dinamización e posta en valor do comercio de proximidade.
As bases completas están ó dispor na páxina web www.apobra.gal e as solicitudes de inscrición serán remitidas ó correo electrónico turismoecomerciodapobra@gmail.com ou chamando ó teléfono de contacto 981843280, marcando a extensión 2035. Indicarase o nome e o documento de identidade da persoa participante, o enderezo do balcón,
fiestra ou fachada e o número de teléfono. A data límite para se anotar é no 30 de novembro. O prazo para a ornamentación será de 6 días e a decoración deberá permanecer durante o período comprendido entre o día
6 de decembro e 6 de xaneiro -ámbolos dous incluídos-. A temática deberá ter relación directa co Nadal e os elementos para empregar deixaranse á libre elección da veciñanza.

As persoas inscritas deberán remitir polo referido correo electrónico dúas fotografías, acompañadas do seu enderezo. O resultado do certame darase a coñecer no 22 de decembro.

Outros artigos

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...