A Pobra chegará a 2020 con 4.601 fogares conectados á nova rede de R

03 Novembro 2021

A operadora R fixo balance dos seus traballos recentes na Pobra do Caramiñal para dotar de internet de alta velocidade (de até 500 Mbps simétricos) aos fogares e empresas deste concello da comarca do Barbanza. Segundo fixo saber, vén de actuar nos núcleos Agros Atalaia e A Ponte Barbanza, dotando aos inmóbeis deses lugares de accesos ultrarrápidos. En concreto, R rematou este outono, nestes dous núcleos, un novo treito das súas tarefas de despregue de fibra óptica previstas para A Pobra do Caramiñal. Fíxose novamente aproveitando “ao máximo as infraestruturas previas”.

Tras as conexións feitas, arredor de 150 novos fogares e negocios dos devanditos núcleos quedaron preparados para recibir os servizos avanzados de teléfono, Internet de ata 500 Mpbs simétricos e televisión dixital multicanle de R.

Amais, cando remate o plan estaremos a falar de preto de 1.300 novas residencias particulares e empresas conectadas ás redes de última xeración do operador galego só no marco do Avanza, no dito concello da Pobra.

A todo isto cómpre sumar o traballo impulsado pola operadora no concello do Barbanza ao longo destes anos, un traballo que fai posíbel sumar á dita cifra outros 3.301 inmóbeis conectados ata a data a través doutras accións de desenvolvemento de rede. O resultado será que A Pobra chegará ao 2022 cunha cifra de 4.601 fogares e negocios incluídos nas redes de nova xeración de R.

Esta e outras actuacións de extensión de rede na provincia da Coruña forman parte dun dos tres proxectos do Plan PEBA-Avanza do Ministerio de Asuntos Económicos y Transformación Digital dos que R resultou adxudicataria en 2018 para despregar a tecnoloxía FTTH (fibra até o fogar) en 512 núcleos de Galicia que non dispuxesen de alta velocidade ata ese momento (as chamadas “zonas brancas”).

No desenvolvemento dos tres plans investirase un total de 10M€, dos cales case 8M€ están a ser subvencionados polos fondos FEDER da Unión Europea. En concreto, esta última despregadura na Pobra do Caramiñal, nos núcleos de Agros Atalaia e A Ponte Barbanza, enmárcase no proxecto destinado á extensión de redes de nova xeración en 162 núcleos de concellos do centro-oeste de Galicia (norte de Pontevedra, sur da Coruña e oeste de Lugo); o investimento total neste caso é de 3,58M€.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...