A Fundación RIA e a Xunta organizan unha xornada para perfilar a mellora da AC-305 ao seu paso por Boiro

22 Novembro 2021

A Fundación RIA, en colaboración coa Axencia Galega de Infraestruturas, desenvolverá esta semana un acto de participación e reflexión sobre a estrada AC305 ao seu paso por Boiro. O obxectivo das dúas entidades é “traballar pola mellora da seguridade e por recuperar a identidade dos núcleos de poboación litorais do Barbanza”. O acto aberto ao público (até completar o aforo, que é de 50 persoas) será este vindeiro mércores 24 de novembro no centro social de Boiro de 17:00 a 19:00.

Antecedentes

Tras a elaboración dun anteproxecto para a humanización da AC-305 ao seu paso por Palmeira (cuxo proxecto de execución xa foi licitado e está a ser redactado nestes momentos) a Fundación RIA, con sede principal en Corrubedo, subscribiu en decembro de 2020 un convenio de colaboración coa Axencia Galega de Infraestruturas. Grazas a este acordo, a fundación desenvolve un estudo xeral da estrada AC-305 que percorre o litoral do Barbanza e elaborará propostas de intervención para mellorar a seguridade e recuperar a identidade urbana de 5 núcleos de poboación.

Obxectivo da xornada

O acto de participación e reflexión é unha das actividades recollidas no convenio subscrito entre a Consellería de Infraestruturas e Mobilidade e a Fundación RIA. A xornada permitirá reflexionar sobre o tramo que percorre a rúa Principal boirense e que foi escollido para próximas actuacións. A través da participación de diversas personalidades locais, farase un percorrido pola memoria e identidade da rúa, destacando os seus valores característicos e identificando as súas necesidades.

A xornada contará coas intervencións de:

-José Ramón Romero, alcalde de Boiro.

-Alberto García, técnico de cultura do concello de Boiro.

-Manuel Rodríguez, coordinador xeral da Fundación RIA.

-Alfonso Bertran, arquitecto na Fundación RIA e coordinador do estudo sobre a AC-305.

-Lucía Escrigas, arquitecta na Fundación RIA.

Outros artigos

Detida unha veciña por estafa en Boiro de electrodomésticos

Unha veciña da Estrada foi detida acusada dun delito de estafa por subtraer electrodomésticos por un valor de 5.000 euros nunha tenda de Boiro, tras simular unha transferencia co seu móbil. Garda Civil Segundo informou a Garda Civil, a investigación, denominada...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...