A Consellería de Política Social colaborará na ampliación da Aula de Música de Aguiño

A Consellería de Política Social da Xunta de Galicia vai colaborar na ampliación da Aula de Música de Aguiño: un dos proxectos que baralla o Executivo para esta parroquia tal e como se deu a coñecer aos veciños que acudiron o luns da semana pasada a esta instalación logo da reunión de coordinación dos membros do goberno local.
Esta colaboración materializarase a través dun convenio entre o Concello e o Consorcio Galego de Servizos de Igualdade e Benestar e permitirá a construción de aulas destinadas á formación de persoas maiores.
Reordenación da contorna
Cómpre lembrar ao respecto que no pasado setembro principiou unha actuación destinada a reordenar a contorna da Aula de Música que incluíu a creación dunha nova zona de aparcamentos, o cambio de ubicación do seu parque infantil (dotándolle dun pavimento de caucho continuo) e a estensión dunha nova capa de aglomerado asfáltico á
rúa aledaña Manuel Murguía e que incluirá ademais o pintado da fachada do inmoble.