O Concello de Ribeira vén de emitir un comunicado no que confirma a vontade do alcalde Manuel Ruiz de intervir directamente nos problemas de transporte público que están a afectar estes meses ao usuarios do termo municipal e da contorna comarcal. Segundo fontes do Consistorio, o rexedor ribeirense e máis o seu homólogo de Porto do Son, Luis Oujo, manterán unha xuntanza o 13 de outubro con Raúl López, presidente da compañía Monbus, encargada de achegar a conexión entre os nosos concellos e entre estes e Santiago e outras localidades. En concreto os rexedores exporán as incidencias que manifestan os veciños sobre o transporte urbano de Ribeira e sobre as liñas que van cara ao Hospital do Barbanza e Corrubedo. Tamén falarán da conexión de ambos concellos coa ría de Noia
Posteriormente, Manuel Ruiz, xunto cos alcaldes da Mancomunidade Barbanza Arousa, manterá unha reunión co director xeral de Mobilidade da Xunta para trasladarlle os acordos as que se cheguen na reunión cos responsables de Monbus. Enriba da mesa tamén estará a necesidade de mellorar as frecuencias que unen Ribeira con Santiago e coa Universidade e a posta en marcha das melloras froito de ambos encontros.
