A Asociación Cultural Barbantia, Medulia editorial, La Voz de Galicia e o Concello de Ribeira van presentar este venres 29 de outubro o novo ensaio do escritor, investigador, psiquiatra e artista pictórico Fidel Vidal (Ribeira, 1942), titulado A culpa do pai. A cita será o venres ás 20.30 h no Centro Cultural Lustres Rivas de Ribeira (rúa Lustres Rivas, 20, 2º andar). Intervirán no acto Fidel Vidal, Manuel Cartea (presidente de Barbantia), Xesús Laíño (vogal de Barbantia) e Manuel Ruiz (alcalde de Ribeira).
Presentación da editorial
A escrita suxire que quizais a nosa visión do mundo actual é tan imperfecta como a dos personaxes de ficción.
Velaquí porque, segundo apunta Eco, os personaxes de éxito convértense en exemplos supremos da “real” condición humana. Entre outros, forman parte desta nómina, Ulises, Edipo, Don Quijote, Hamlet, os irmáns Karamázov, Madame Bovary.
