O Concello de Outes puxo en marcha unha iniciativa de participación cidadá para traballar máis estreitamente coa veciñanza na procura da solución dos problemas que se poidan dar nas parroquias: a iniciativa O Goberno escoita. Con este motivo, dende o Consistorio inician unha rolda de encontros polo termo municipal, o primeiro dos cales será este venres 8 de outubro en San Ourente, ás 19.30 horas na igrexa parroquial (por razóns de espazo).
Nestes encontros coa veciñanza explicaranse as actuacións realizadas e os proxectos previstos en materia de obras. Tamén se procederá a recoller, da cidadanía do concello, as súas demandas.
