Galicia, pendente da posible chegada da nube de dióxido de xofre do volcán da Palma

A columna de dióxido de xofre procedente do volcán Cume Vella, na illa da Palma, en Canarias, podería chegar á comunidade galega ao longo das próximas horas segundo as predicións do servizo de vixilancia da atmosfera Copernicus ( CAMS), a partir das observacións realizadas polo sistema de satélites para rastrexar a dirección e a concentración na atmosfera da corrente de substancias emitida pola erupción.

Meteogalicia, dependente da Consellería de Medio Ambiente, Territorio e Vivenda, atópase monitorando e rexistrando en tempo real os distintos tipos de contaminantes procedentes do volcán, aínda que todos os valores rexistrados ata o momento sitúanse nos parámetros normais.

En caso de estimarse necesario, a Xunta poñería en marcha o protocolo de actuación en situacións excepcionais de contaminación atmosférica, aínda que insiste en que todos os indicadores «son absolutamente normais» ata o momento e o persoal responsable da rede de calidade do aire de Galicia «permanece atento a calquera posible cambio na situación».

Fonte Xunta