Este sábado 23 de outubro a xira dos Piperegrinos (As Gaitas do Camiño) vai facer unha parada en Noia, concretamente na praza do Curro ás 12.00 horas. Segundo os principais protagonistas da xira, será “unha boa oportunidade para desfrutarmos da irmandade das distintas gaitas ibéricas”.
A entrada será de balde ata completar aforo, enviando un correo electrónico a culturaconcellodenoia@gmail.com; indicando nome, DNI, teléfono de contacto e número de convites (ata 4 por reserva).
Como dixemos, As Gaitas do Camiño é un itinerario de actuacións nas que participan gaiteiros e músicos de diferentes partes da Península Ibérica, amosando os diferentes sons do Camiño. Ata 17 músicos compartirán escenario neste concerto dirixido polo galego Óscar Ibáñez.
