Determinados na Pobra os vídeos gañadores do concurso Galeguizando TikTok

O xurado do concurso Galeguizando TikTok reuniuse na tarde do 30 de setembro para seleccionar os vídeos gañadores desta proposta adscrita á programación impulsada polo Concello (Concellería de Normalización Lingüística) para conmemorar o Día da Patria Galega, o 25 de xullo.

Os premios consisten nun lote de produtos culturais galegos e estabelécense un total de 3 distincións valoradas en 100 euros cada unha.

O xurado ditaminou que a distinción “ao máis divertido” recaese en Iria Portas Rodríguez; “ao máis creativo” en Alicia Miguéns Vila; e “ao máis orixinal” quedou sen adxudicar.

Os vídeos presentados debían estar en galego, ter como temática o Día da Patria Galega e seguir o formato da rede socia TikTok.