A Fundación Amancio Ortega doará 280 millóns á sanidade pública para comprar dez equipos de protonterapia para tratar o cancro. É a segunda gran doazón do fundador de Inditex ao Sistema Nacional de Saúde, despois dos máis de 300 millóns que achegou para a adquisición de equipos de diagnóstico e radioterapia.
Antes da finalización daquel gran programa, Ortega pon en marcha un novo donativo que, segundo apuntou José Arnau, vicepresidente segundo da fundación, situará a España entre os países con tecnoloxía máis avanzada para o tratamento oncolóxico. “Temos excelentes centros sanitarios e profesionais capaces, sen dúbida, de xestionar adecuadamente este proxecto. Temos todos os elementos necesarios para o éxito. Pola nosa banda, pódolles asegurar que faremos os mellores esforzos para completalo nos prazos máis curtos”, afirmou.
Os dez equipos repartiranse en:
Dous en Andalucía: Sevilla e Málaga.
Dos na cidade de Madrid.
Dous en Cataluña, en Barcelona.
Un na cidade de Valencia.
Un en Galicia, en A Coruña.
Un no País Vasco, en Vizcaya.
Outro nas Canarias, concretamente, en Gran Canaria.
