O BNG advirte dos problemas que carrexaría o proxecto de macroparque eólico Huracán

07 Setembro 2021

Integrantes do BNG visitaron os lugares de Vilardante e Vilafabeiro (Noia) logo de coñecer o anuncio do Ministerio de Política Territorial no cal somete a información pública, no BOP, unha solicitude de autorización administrativa previa para a instalación do “Parque Eólico Huracán”, que, segundo explicaron os nacionalistas con motivo da dita visita, localizariase nos municipios de Noia, Lousame, Rois, Brión, Ames e Santiago.

A agrupación sinalou que o macroparque, segundo o anuncio no propio BOP, “contaría cuns aeroxeradores dunha altura amplamente superior aos 100 metros de altura, situándose o seu rotor a 105 metros sobre o chan”.

O achegamento á zona do BNG tivo como motivo ter unha primeira aproximación á veciñanza de Vilardante e Vilafabeiro para informala do anuncio no BOP da solicitude de instalación do parque e da posibilidade do establecemento dun grande aeroxerador na contorna destes lugares.

O portavoz do BNG en Noia, Ricardo Suárez, sinalou que na formación “contemplamos con preocupación o planeamento do parque pois supón a instalación dun enorme aeroxerador a 550 metros das casas e a tan só 390 do xacemento arqueolóxico do Castelo Miúdo’”.

Do mesmo xeito, indicaba o voceiro dos nacionalistas, “comprometémonos a estudar o proxecto e prestar toda a axuda necesaria durante as vindeiras semanas e meses aos afectados”. Por último, Suárez fixo fincapé en que “prestarán atención a outros posibles impactos ambientais e paisaxísticos tendo tamén en conta a afectación sobre a ruta do novo Camiño de Santiago dende a ría de Muros e Noia”.

Outros artigos

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...