A actividade cultural da nosa comarca, lonxe de esmorecer neste punto de inflexión entre o verán e o outono, revitalízase e volve vibrar, ampliando o panorama de citas ás que acudir para que non quede ningunha demanda de tendencia por atender. Por exemplo, quen queira música de raizame afroamericana con algún dos máis sobranceiros representantes diso que se vén chamando blues, vaina ter en Noia entre os días 1 e 3 de outubro. O motivo, a celebración do Vilablues Fest, que vén de presentar o seu cartaz definitivo.
As entradas estarán dispoñíbeis este 16 de setembro a partir das 12.00 horas, segundo confirmou Cultura do Concello.
Artistas como Roy Ellis, Shirley Davis & The Silverbacks ou Blues do País forman parte da ampla programación. Tamén confirmaron a súa presenza Espiño, Tail Dragger, Adrián Costa, Mallou, Shanna Waterstown, Combo Batanga, J.P. Bimeni & The Black Belts, Duendeneta D.J.S, Jay Doe & The Blues Preachers (con Figui) e Little Neno descobre aos Rolling Stones.
