Prosegue este venres o Noia Harp Fest con clases maxistrais e concertos

A organización do VIII Noia Harp Fest compartiu con nós a axenda de actividades do festival noiés para este venres 6 de agosto. Haberá unha clase maxistral a cargo de Ana Crisman e tres concertos polo serán e pola noite.

Davide Burani & José Antonio Domené


Clase maxistral ‘Flamenco e arpa celta’ con Ana Crisman (Andalucía)
11.30h | Santa María A Nova
A arpista impartirá un obradoiro gratuíto do instrumento. O acceso á clase maxistral é de balde, previa reserva na web oficial do certame, www.noiaharpfest.gal

Concerto de Ana Crisman (Andalucía)
19.45h | Santa María A Nova
A primeira incursión do flamenco na historia do Noia Harp Fest chega da man de Ana Crisman. Desde 2016 estuda as posibilidades da arpa de xeito autodidacta, creando un repertorio con composicións propias que inclúe tarantas, rondeñas, soleás, granaínas, malagueñas, alegrías, bulerías ou fandangos.

Concerto de Formiga e Cigale (Francia & Cataluña)
22.00h | Coliseo Noela
Desde Bélxica chega este dúo, formado por unha arpa celta e un violín, que deleita á multitude coas súas actuacións en directo únicas. O seu son é unha exploración dos elementos modernos da música folk mantendo a súa esencia fundamental. A súa voz é distintiva, cun estilo solapado que se mestura perfectamente.

Ysando Trío (Paraguai)
23.00h | Coliseo Noelia
Ysando é a unión de tres solistas: Orlando Rojas (guitarra clásica e popular), Andrea González (violinista clásica e popular) e Ismael Ledesma (arpista, compositor e intérprete). O resultado é unha suxerente fusión da tradición musical paraguaia e latinoamericana con composicións propias.