A Pobra conta cun parque infantil cuberto coa colaboración da Xunta

31 Agosto 2021

A directora xeral da Administración Local, Natalia Prieto, visitou este martes 31 o concello da Pobra da Caramiñal para comprobar en persoa o resultado das tarefas de mellora desenvolvidas no parque infantil de Camiño Ancho, situado no recinto da antiga escola unitaria e sometido en datas recentes a unha serie de traballos entre os que se incluíu a instalación dunha cuberta para protexer á rapazada e ás familias da inclemencias climáticas (no proxecto, que incluíu a instalación de novos brinquedos e chan co caucho, e que en datas vindeiras incorporará estruturas de accesibilidade, a Xunta colaborou co Concello cunha achega de 40.000 euros).

Na súa estadía, Prieto estivo acompañada polo alcalde, Xosé Lois Piñeiro (Nós Pobra), e pola concelleira dos Servizos Municipais e do Benestar Animal, Estefanía Ramos (Nós Pobra). A directora xeral tamén visitou o centro de recollida de animais abandonados, situado no Polígono da Tomada, creado no 2018 e que tivo un custe de 44.719’40 euros e que contou co apoio da Xunta con 42.636’77 euros ao abeiro do Fondo de Compensación Ambiental.

Segundo lembraron, coa finalidade de mellorar os servizos e dar resposta á cantidade de animais abandonados, no 2020 executouse unha primeira ampliación por 45.586’22 euros (35.006’43 por parte da Administración autonómica e 10.579’57 euros da local), e, unha segunda no 2021 por 39.419’75 euros (34.103’50 da Xunta e 5.316’25 do Concello). Deste xeito, o refuxio conta actualmente con oficina, baño, espazo para animais que chegaron recentemente, área de corentena, patio exterior e dez canís.

O rexedor, quen agradeceu a presenza da directora xeral, trasladoulle nunha xuntanza previa no Consistorio as necesidades do municipio en materia de equipamentos ligados á prestación de servizos municipais: unha nova nave para a brigada ou a adquisición da que está en aluguer, a mellora da accesibilidade no edificio do Consistorio ou a compra de algún vehículo para a Policía local, entre outras cuestións. Pola súa parte, Natalia Prieto manifestou o compromiso da Xunta por manter o apoio aos concellos galegos.

Outros artigos

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

Accidentes na estrada AG11 na Pobra e en Rianxo

Os bombeiros do parque Comarcal Provincial de Boiro foron alertados ás 20.00 horas deste 13 de xuño dun accidente de tráfico na AG11 á altura do punto quilométrico 16 en sentido Ribeira, en Rianxo, ao paso da vía polo lugar de Vilas, na parroquia de Asados. O...

+

O I Trofeo Rodas reunirá a máis dun cento de patinadores na Pobra

Unha nova competición estréase na Pobra do Caramiñal nesta fin de semana. Trátase do I Trofeo Rodas / Niveis Patinaxe Artística. Aproximadamente 130 patinadores e patinadoras de categorías base citaranse nesta proba que se desenvolverá no domingo 16, a partir das...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...