Non é seguro que o capitán do Cobija viaxe este mércores a España

Antón Luaces.- Pablo Costas Villar, capitán do pesqueiro Cobija, agarda con incertidume a orde de se dirixir hoxe este mércores, 1 de setembro,  a O Cairo (Exipto) para, posteriormente, desprazarse a Vigo ou Santiago de Compostela vía Madrid. O Ministerio español de Auntos Exteriores garda o máis absoluto silenzo en torno a esta viaxe, talvez pola falta de seguridade das autoridades dese Estado fallido sumido nunha guerra civil desde vai sete anos. Costas está aloxado nun hotel próximo ao porto de Al Mukalla (no sur de Iemen), en cuxo porto permenece fondeado o buque que, ata a pasada semana, mandaba. Agora, sen responsabilidades oficiais a bordo, visita o mesmo para instruir a quen o remuda no cargo. 

Realizada unha PCR que determinará se é portador ou non  de coronavirus, o mariñeiro de Bueu ten no seu peto o pasaporte debidamente selado, e disposto para abandonar Iemen sen remorso, pero con poucas gañas de repetir estadía de tan longa duración nun país ao que chegou sen ter prefixada a ruta xa que viaxaba a ordes. Costas Villar non asume a acusación de pesca ilegal  que emana de Australia pola mediación da organización medioambientalista Sea Sepherd que, como xa ten informado O Barbanza, non proba de ningún xeito cas súas acusacións teñan un baseamento evidente e indiscutible. No mar, mariñeiros galegos que realizan pesca de altura coidan que, xunto co aporte de evidencias demostrables por parte de Australia para manter as súas acusacións, os armadores do Cobija e o propio capitán do buque deben xustificar -como semella poden facer- que nunca realizaron pesca ilegal, como dí Sea Sepherd en augas do Atlantico Suroeste controladas pola organización SEAFO, algo que debe reflectir o equipo de control da navegación (AIS) do buque.