Na Pobra unha persoa resultou ferida a causa dun accidente entre unha moto e un turismo

Accidentes y noticias

Un motorista resultou ferido de diversa consideración tras colidir contra un coche no concello coruñés da Pobra do Caramiñal.

Para prestarlle asistencia sanitaria, acudiu ao lugar o helicóptero medicalizado con base en Santiago, que tomou terra no lugar dos feitos.

Segundo a información facilitada ao 112 Galicia, o accidente produciuse ás 18:30 horas desta tarde cando os dous vehículos circulaban pola AC-305, ao seu paso pola parroquia do Xobre. Decontado, ademais dos profesionais de urxencias médicas, o persoal do 112 pediu a colaboración dos Bombeiros de Ribeira, así como dos axentes da Garda Civil de Tráfico, da Policía Local, dos efectivos de Protección Civil da localidade e do servizo de mantemento das estradas.