Detidos un veciño de Boiro e outro da Pobra por un roubo con intimidación nun estanco

Axentes da Garda Civil detiveron a dous homes, veciños de Boiro e A Pobra do Caramiñal, como supostos autores dun delito de roubo con intimidación nun estanco.

Os feitos ocorreron o pasado 28 de xullo cando os detidos chegaron ás inmediacións dun estanco de Boiro nun vehículo, á hora de peche do establecemento. Un dos ocupantes, co rostro oculto cunha careta, entrou no local esgrimindo unha arma branca, a cal aproximou á dependenta mentres lle esixía a entrega de todo o efectivo que tivese fuxindo posteriormente cuns catrocentos euros.

A Garda Civil identificar os autores, cunha importante participación cidadá e procedeu á detención destes dous homes, como supostos autores dun delito de roubo con intimidación e á incautación do vehículo utilizado.Os detidos, xunto coas actuacións realizadas e os efectos incautados, foron postos ao dispor do Xulgado de Instrución garda de Ribeira.