As familias de Outes xa poden inscribirse nos novos servizos de conciliación do Concello

O Concello de Outes pon a disposición das familias locais os servizos de conciliación Madrugadores e Tardes Divertidas para o curso 2021-2022, que forman parte do programa Outes Concilia, destinado a achegar alternativas de lecer e formación para a rapazada que complementen as actividades dos seus centros educativos.

As devanditas actividades desenvolveranse no edificio autónomo do CEIP Plurilingüe de Outes.

Ámbolos dous servizos están destinados a nenas e nenos escolarizados neste centro docente, de idades comprendidas entre os 3 e os 12 anos. Poderán ser utilizados de forma fixa ou ocasional.

O prazo de inscrición xa está aberto dende este 18 de agosto.

Quen precise máis datos sobre estas actividades pode visitar a web do Concello, onde se ofrecen os PDF con información máis detallada.